|
| 又好一陣子無寫xanga, 唔好衰比vien 睇先! vien, 見唔見到我呀!!!!  頭先相當surprise, 點解孔sir 會留言比我架, 你竟然有睇我個xanga, 太意外喇! 最近都keep 住打排球, 真係日子有功呀, 進步左d, 真好呀! 又大一歲喇, 好開心samuel 變魔術變左份birthday gift 比我, 多謝晒你呀! 仲有阿堅, 你好confirm 呀, 突然覺得自己呢三年來係成長過架, 哈哈! cy 你就真細心, 知我會好容易喊而唔講嘢!有你地真好呀, 當然仲有你地呢班好朋友啦! | | |
| 最近無乜嘢都唔係好想開電腦, 懶到出汁呀! 今日好攰, 尋日返完教會就去做義工,幫個婆婆清潔屋企, 一路做一路同佢傾計, 佢都算幾精神, 不過d 仔女搬走晒, 始終都會覺得悶, 如果我老咗, 我d 仔女會唔會唔理我呢? 之後再去打排球, 就更加攰, 攰到痺! 不停練下手同開波, 見到個師弟仲同佢單挑咗一陣, 唔洗講我一兩下就攪到佢應接不暇, 執波執到暈啦, 我d 波周圍飛! 我發覺原來我都有一段時間冇講過:「神爸爸,我好愛你」喇, 當尋日pray 的時候, 不經意咁講咗出嚟之後覺得好sweet 呀, 哈哈! 呢幾日個天就好似d 字咁白, 個底咁藍, 好鬼死靚呀! 真係要為藍天打下氣 | | |
| 好耐無寫過xanga, 就快連中文字都唔記得點打! 之前個學生考試, 忙到不得了, 呢一兩日終於可以透下氣, 點知就出事! 一早出去qt, 諗住同卓茵係诲邊pray 開心d, 點知一跨過道牆就整親隻腳, 內疚死喇, 仲乜我咁白痴ga, 叫佢同我一齊跨,唉,! 卓茵, 你快d 好番啦! 事情都未完, 最意想唔到係佢媽媽竟然仲請我食飯, 點解會發展成咁架! 好開心呀, 下個星期四可以一家人去食buffet慶祝我今個sem 有3.55 gpa, 其實真係覺得好blessing, 個個sem 都係咁讀書架啦, 但係呢個sem 就無啦啦高左咁多, 唔係神仲係邊個吖!又可以一家人聚埋一齊! 開始要搵工, 都唔知自己想做乜, 頭都爆呀, 如果我有目標, 大概唔會咁懶, 係咪??? 最近d 好友都go steady, 好似大家都大喇, 要經歷人生另一個階段咁! 好快就會結婚生仔, 大家又會好唔同! 之前孔sir話我,話到我喊, 但係佢講嘅都好啱, 我係一個好容易嫉忌嘅人, 有時見到佢有得玩我無, 我就好容易唔開心, 唔識得倒轉諗開心人地可以去玩! jeff 個講道講得好好, 如果只得一個人有, 我會唔會都想係人地有呢, 好中自己個心, 我要學識去替別人開心! 感激關係中仍然可以彼此挑戰同成長! | | |
| 今日同bt & pair up 踩單車, 好開心!d 朋友仔超熱情! 雖然踩左唔係好耐, 但係影左好多相, 好開心, 之後再去飲茶, 正呀! octokid, 希望你快d好番啦, 今日真係比你嚇死了! 返到屋企做左陣功課, 明多左少少, 但係都仲未識做, 認真大鑊! 唉 | | |
| 哈哈!終於都放假了, 突然心血來潮好想寫下xanga!雖然d功課多到死! 昨天走得很累了! 常常步伐不穩的我走在窄路上, 好幾次跌倒了,身邊那個人總愛叮嚀我要怎樣走路才行, 心裡很明白他也不想看到我跌倒受傷,所以我也堅持努力地走路,但每當我跌倒在地上的時候, 他都只是站在身旁說我走錯了, 然後叫我繼續向前走, 很少把我扶起來, 也沒有一句鼓勵或是安慰的話, 日子不停地過, 仍舊是走著跌著, 心裡沒有因為跌的次數多了, 而覺不再怕痛, 或是更勇敢, 相反, 我愈來愈不想走了, 心裡覺得很累, 很灰心, 雖然看上去好像有人和我一起走著, 其實一直也是自己一個人行,有時也希望真的只有自己一個!但今天終於向他說了, 從來我都很想可以和他一起走路, 我也明白他的愛, 但請給予我多一點鼓勵與支持, 這樣我才不是孤身作戰, 這樣我才有力量走將來更崎嶇的路! | | |
|
